Hide whatsApp chat person name | व्हाट्सप्प पर किसी का नाम कैसे बदलें ?

1
482

Friends!!!

Ek baat manoge ki nahi manoge ki duniya me ungli karne walo ki kami nahi hai. Abhi ye sab maante hain ki har kisi ki gf bf hote hain lekin agar koi whatsapp par chat karta pakda jaaye to oye hoye jaise unke neeche garam tawa rakh diya ho. Bas. Poochhna chaalu. Kaun hai bhai. Kisse laga pada hai. DP mast hai bhabhi ki. To aapka khaulta hai khoon. Aur udhar se bhabhi bhi bolti rahti hai. Ki reply kyun nahi karre. Kis se lage ho. Aur tab dimaag ka paara hota hai High. Aur paara down karne ke liye hum leke aate hain koi solution. To bas iska bhi aa gaya hai, laundo. To chappal utaar ke andar holo. Apan shutter utha leta hain.

Abhi ye line thodi si common si ho gayi hai. Lekin kya karein. Bolni padti hai . To sabse pahle chale jaiye playstore par wahan par type kijiye hide chat name aur is wale app ko download kar lijiye. Uske baad launch kar lijiye is app ko.

 

Launch karne ke baad ye app batayega ki ye kya kya kar sakta hai.
bolta hai. Privacy matters. Ji bilkul matter karti hai. Jo log jiraf jaisi gardan lambi kar ke aapke phone me jhanakte hain specially unke liye.

Aap is app se apne friend ya friendni ka name hata sakte hain. Uski pic hata sakte hain. Aur fake name bhi laga sakte hain. To chalo baitho gaadi me shuru karte hain.

 

To sabse pahle settings me jaana hai select karna hai hide chat name aur allow kar deni hai, permit usage access ko .bas bak bak bahut ho gayi chalte hain ab whatsapp par aur dekhte hain is app ka performance. Aap dekh sakte hain ye green dot aa gaya hai aapki screen par jise aap jahan chaahe wahan adjust kar sakte hain.

To example ke taur par yahan par hai meri fanto, jisse mai chatiya raha hu aur for example uska naam hai delhi wali girlfriend, is naam ke liye ek like to banta hai yaar.
Khair. Ab jaisi hi tap karta hu mai is green dot par. Naam aur profile picture dono chali gayi hain. Ab aap bindaas jo chaahe chat kar sakte hain.

 

                                                                                              

 

Boss. Abhi iske features just shuru hue hain. Agar aapko naam bhi change karna hai jisse ki kisi ko koi shak hi na ho to aap jaiye seedha app me, click kijiye customize par aur aap yahan par enter kar sakte hain koi bhi fake name. jaise ki for example mai likh deta hu. Mera khadoos teacher.

Aur click kar deta hu save par. Ab whatsapp par jaakar dekhte hain ki Delhi wali girlfriend ki jagah par mera khadoos teacher name change ho gaya hai. Aap is text ka size bhi change kar sakte hain as per your device size. 24 se lekar 45 tak aap select kar sakte hain text ka size.

 

 

Plus. Aap ye bhi decide kar sakte hain. Ki aapko aapki girlfriend ko online dikhana hai. Typing karte hue dikhana ya fir kuchh bhi nahi. Hai na mast feature.

Abhi last feature abhi bhi baaki hai. Agar aapko apne lull dosto ko aur apni family ko sure karana hai ki aap kisi opposite gender se nahi chatiya rahe hain to aap yahan image bhi select kar sakte hain. To all boys. Apne kisi launde dost ki pic daal do. And all the girls you can select koi bhi saheli.

To bas. Ho gaya aapka kaam. Aur wo fake pic aapko dikhegi aapki is screen par.

To guru. Privacy important hai. Aur har kisi ko pura pura right hai use private rakhne ka. To smart bane raho aur safe raho.

1 COMMENT

LEAVE A REPLY

Please enter your comment!
Please enter your name here