Kahani to aapke kaano tab bhi pahunch gayi ho gayi hogi ki delete karo facebook, aag laga do aur pata nahi kya kya. Kuchh kuchh logo ne apne facebook account delete kar diye. Apni privacy ko leke even un logo ki bhi fate me thi jo sirf whatsapp par good morning, good evening aur apne lull dosto ko tuchh prakar ke memes me tag karte rahte hain.
Lekin aisa kya tha ki zuckerburg ko bhi ‘sorry bhai’ bolna pada. Aisi kya privacy thi jo facebook aapki chupchaap store kar raha tha. Well, iske liye maine wo sab data download kiya jo ki facebook ne mera kar rakha hai. Download karne ke baad dimaag ekdum chakarghinni ho gaya. Shayad aapka bhi ho sakta hai. To pata karte hain kis hadd tak facebook ne hum logo ka naajuk dil toda hai. Aur kis tarah hum in sab data chori se bach kar apne dil ko wapas chipka sakte hain. To chappal utar ke andar aa jaao. Shutter utha lete hain.
Ab kya kya hai facebook ke paas aapki information to uske liye aapko jaana hoga apne favorite web browser me, mera to chrome hai to mai isme jaata hu aur login karta apne fb account me. Wahan upper corner me down arrow hai is par click karna hai aur jaana hai security me. Fir aapko last me chhoti line me link hoga ki download a copy of your data. Yahin par chhupe hue hain aapki poori jindagi ke raaj. Ab bas aap yahan par click kar dijiye. Aapse poochha jayega aapka password wo isiliye kyunki kaafi sensitive information hai.
Password daalte hi aapki request approve kar di jayegi aur aapka saara data fb ke servers se uth kar zip file me convert hona shuru ho jayega. Aapko bola jayega ki aap thodi der chain se baith jaiye jaise hi data aapka ready ho jaayega aapko mail kar diya jayega aapki registered email id par. Baat kaam ki. Ki kitni der me hoga.
To.. ab ye is baat par depend karta hai ki aap din me bas apne dosto ki pout wali selfies par like karne aate ho ya pura din baith ke kisne kya khaya, kahan gaya ya gayi, ya ex gf apne fanto ke saath ke saath kahan kahan ke photo daal rahi hai, ye dekhne me aap fb par time spend karte ho. Mere data ko lage 10 minute aur yahan par fir aa gaya mere ko mail. Halanki mere ko fb par bhi notification aur link mil gaya hai. Is link ko mai download karne ke liye daal deta hu. Fir se aapko apna password confirm karna rahega. Aur ye link sirf kuchh din ke liye valid rahta hai uske baad fir se generate karna padta hai. To download kar deta hu apne 7-8 saal ki poori history aur dektha hu kya maal masala milta hai fb ke andar.
Chalo ji ye ho gaya download. Zip file hai to mai ise kahin extract kar leta hu..jo facebook dash aapke username ke naam se hogi. Extract karne ke baad aapko ek file milegi jiska naam hai index.. Bas aap to ye samajh lo ki aapki janampatri hai.. Kyun, Lo khol ke dikhata hu Ise apne fav.. Fav yaani chrome me open kar lijiye.
Sabse pahle apko darshan honge apni profile ke.. Achha khasa resume aapka yahin bana banaya mil jayega. Aapka naam, Email id, Phone number, Date of birth, Aap purush ho ya mahila, Current city, Relationship status, Kis kis ke sath chakarr chala, Ghar me kaun kaun hain, Kahan padhai ki, Kya job karre ho ya baap ka kha rahe ho.
Picture abhi baaki hai mere dost..
Kya kya activity karte ho. Music sunte ho. Kaun si books padhi hain. Movie, TV aur uske alava bhi bahut kuchh.. Shayad.. Aap bhi bhool gaye hoge.. Ki yaar ye movie dekhi ki nah. But, mere dost,Facebook nahi bhoolta. Jis din se aapne facebook ki dharti par kadam rakha aap under CCTV ho guru.
Ye to sirf ek trailer tha meri jaan.. Aage dekho..
Jaisi hi jaaoge contact info par.. Aapki saari contact info yahan par dikh jayegi..
Iske baad chalte hain. Time line par. Aankhe faad kar dekhta rah gaya ki 9163 logo ne mujhse ya maine logo se contact kiya hai. Aur ek ek post, Yes.. Ek ek post jisme mai invole hu. Sab ki sab yahan fb ne apne neeche daba kar rakhi hui hain. Aapko 2013 -12-2010 jab se bhi aapka account hai aapki posts mil jayengi.
To aapne jis kisi ke bhi friends bane hain. Unka naam date ke saath. Yahan par fb par available hai.. Aap kise kise follow karte hain. Aapko kaun kaun follow karta hai ya karti hai… ladkiyaan bhi ho sakti hain aisi kaun si baat hai.
Kis kis ko aapne unfriend kiya. Yes. Wo bhi fb ke paas data hai.
Saala .. Itna to mujhe khud ke baare me nahi pata tha.
Ab aati hai. Rongte khade karne wali baaat. To jis kisi ko bhi aapne koi bhi fb par msg kiya hai.. Wo data bhi open hai.
Aapki har private baat, Messenger par likha ek ek word, openly sirf, Ek password ke peechhe chhipa hua hai.. Ab aapko to pata hi hai. Ek password ko crack karna impossible to hai nahi. Saari ki saari chats yahan par available hain.
Aur bhi kuchh kuchh cheeje hain. Lekin mai aapko batata hu ek aur tuchhh harkat mr zurcker berg ki. Dekho, Aajtak jitne bhi adds par aapne click kiya na. Sabka data store karke rakhta hai.. Aur future me aapko as a targetted audience bhi use kar sakta hai.
Kis kis app ko aapne fb par link kiya hai.. Aur kis kis app se contact kiya hai.. Wo bhi.
Mujhe sab kuchh to nahi. Par kaafi kuchh idea tha. To mai fb ke adds aur apps se humesha door rahta tha. But ye aapki personal information ka bahut hi serious violation hai..
Dekho yaar!!! Majak sab ek taraf hai. Lekin mera ye blog chalane ka ek aur important reason ye hai ki mai aap sabhi logo ko ye batana chahta hu. Ki data aur information bahut important hai aane wale time me. Furture me sab kuchh inhi sab cheejo par depend karega. To aapki privacy bahut important hai. To be safe. Safe hone ke liye to best to ye hai ki fb trust karne layak nahi hai. Agar fb ke bina jee sakte ho to delete kar do. Otherwise, Thoda apna privacy aur security ka dhyaan rakho. Kuchh bhi personal cheeje social media par share mat karo. Aage bhi kya kya tarike hain safe hone ke batata rahunga. Tab tak ke liye goodbye. Aur haan, Ab to aapko pata chal hi gaya hoga ki…. sab moh maaya hai.
bahut hi badhiya post
thanks bro